在云端

眨下眼甘快, 09年嘅夏天又"ship"一声甘过完.

 

天气先生话: 听日大连先得果大哪哪嘅14度咋. 哇, 要拿返件冲锋衣出来啦. 记得以前读书果时日日啉点样可以着自己衫返学, 到左冬天果时好想个天可以冻d, 因为学校话如果日14度嘅话就唔洗着学校d甘青BB的校服, 可以大条道理甘换翻D自己衫返学啦. 大个仔之后日日起身第一件事就烦嘅就系:今日究竟要着咩衫返工?

 

跟住就系要啉:

 

早餐吃咩 ?

 

......

 

中午吃咩 ?

 

......

 

晚黑吃咩 ?

 

......

 

最尾, 仲要啉埋训觉个post点摆 先够型够有性格 ?

 

细细个咩都唔洗啉果时,偏偏自己中意找d耶去啉; 到大个左好多耶唔想林去啉嘅时候, D耶偏偏要追住你一日一啉, 一日一烦.

一年后又返到B3, 如果所有耶都可以响某年某月某日重新开始甘就好啦！

上个星期四收到Mark hurd 嘅一封 Email, HP所有嘅同事都要冻薪+减薪2.5% - 20%. 

 

甘搞法饭都无得吃啦, 真是要林个长期民工政策，个银包要同公司一齐开源节流，Samantha帮我计过, 30蚊搞已经可以掂晒我一日早午晚三餐加打车同汽水, 然后加埋房租同俾阿妈嘅钱, 一个月落来都仲会有钱剩.

 

我从来都未林过自己可以甘悭过, 都从未遇到过一个会成日话我唔晓"过日子" 之余仲会帮我林埋点样悭钱嘅女朋友.

 

今日一个人响屋企度睇足一日连续剧, 早午晚三餐全部响屋企搞掂, 实行听女朋友话, 悭钱第一.  

There are two formulas on my daily works.

Due to TCE > Target, and therefore Hi Poon sir = go ahead = NMU incline to positive infinity

Due to TCE < Target, and therefore NMU incline to zero, Complaint incline to positive infinity

 

On the other hands, 今日出错Email, fine, 我认. 继续炒虾拆蟹, 继续outstanding, 继续心力交瘁. 发觉自己做耶方式真系好有问题. 响炒虾拆蟹嘅时候最紧要冷静, 唔好乱,一乱就出事.

好多人都话要离开熟悉嘅地方，去外面发展。有D人会去新西兰，有d人会去澳洲，有d人会去加拿大。去外面大家都觉得最大嘅问题是语言同要重新适应新的生活新嘅文化。虽然我来到大连，语言对于我来讲都是一个问题，寻日抄水表果位哥哥问我到底是米外籍人士，我苦笑左下。

 

但是我觉得语言都唔是最大嘅问题，最大嘅问题是响外地病左，无人照顾。E两日发烧发到差唔多四十度，吊左两支针都唔见好，唉，E度D医生就是得三招：探热，验血，吊针。三招用完就无晒符啦，中药甘国粹的都无得开，搞到我E两日个胃辛苦到死。唯有一个人收埋自己响屋其度摊尸，最辛苦最需要人照顾嘅时候,都是得我自己一个照顾自己.

前排好多人话过来探我,但是鬼影都唔见只.无办法啦,人缘差,但是我爸就专登坐左4个钟头飞机过来探我.原来最关心我的都是我最亲嘅人.

 

E4日我工作都好忙,距地星期四到大连,我都是得星期六星期日可以陪距地,星期六samantha带我同两位老人家,去左旅顺玩,海,我响大连甘耐,已经睇到无晒感觉,但是今次有甘多亲人陪我.个feeling 是唔同D嘎!

 

以前细个嘅时候我爸爸成日带我去公园,爸爸响旁边睇住距个仔我玩得好开心,E+是我带我爸爸去公园玩,我睇住距，就好似睇住我个仔玩甘，距见到d飞机大炮就玩到忘晒型.

 

我爸爸同我讲Samantha E个女仔几好d性格,相比果d带过俾距见的女朋友好好多,甘当然啦,虽然个样唔是好靓,但是学识同埋性格各方面都超好.兼且是一个好独立好有主见的女仔添.睇落去爸爸好似几中意E个女仔啵.

年年中秋都是甘过，今年中秋真是过得特别，我甘大个仔都未试过中秋可以成日无饭吃，仲要俾Samantha闹左一餐。

 

寻日朝早，啊妈一早就巴巴闭闭甘发短信来同我讲，距寻日买左鸡，买左海鲈，仲煲左汤等我翻去饮。是，我是好中意吃，但系我决定左要去一个地方重新开始自嘅的新生活，我就唔会改变我嘅霖法，我嘅嗜好都改变左好多，E+我只会focus on my job，而且So far来讲我都觉得过得几好，E+屋企仲多左个女人做煲下汤做下家头细务，日日好有规律甘生活哏。

 

寻晚本来霖住吃得好d，叫纯纯帮手订个好豪嘅成成饭盒，纯纯话今日节日比较忙所以送唔到，林住吃pizza，但是一个人又唔知道样吃一个9寸批，霖住吃个麦当劳啦，点知道无晒coupon，甘就翻公司print啦，返到公司print完又觉得好似公司行过去有d远，见到Smantha响度上夜班，就去左搭下讪。霖住等距一齐去吃个宵夜啦。结果比距闹到我无晒mood去吃噜，距话我是一个好灰色嘅人，做耶都是好稳稳振振甘，唔中意冒险，唔会好有热情甘做耶，唔觉得我有几大野心啊......仲要唔中意我讲耶嘅方式--成日都是讲一半唔讲一半......仲话我好保护自己，唔将距当是朋友添。

 

顶，距突然间问我D personal finance嘅问题，阿妈/老婆甘问我都唔会答啦，除非是我想讲嘎遮。仲要追问啵，我答距一半米算是俾个台阶大家落下遮，何必要打烂沙盘问到督呢？我都好想上位啊，是米想就有先，有无得上都要大部分都是base on你嘅能力，但是小部分都要靠你老细点睇你嘎遮。我入hp之前，宋生问我未来两年有咩打算，我话我希望可以做到一d management嘅耶咯，但是宋生同我讲，响hp就算你几有才能几甘响你老板面前去promo你自己，都要响Enginner e个Role度做一两年，来到hp之后，我发觉E度叻的人真是好多，我原本俾自己嘅schedule我觉得都要变下啦，but我都会好努力甘去做。对我嘅工作同我嘅承诺我都会好好认真甘去对待。Even朋友同我讲笑，我都会好认真照做。

 

至于我是米真是一个好无要求嘅人，其实我知道我要求是好高嘎，吃同用我都会找自己觉得最好嘅耶，我唔中意吃嘅耶，我唔会唔吃，不过我净是会吃两啖，Even台notebook我唔小心甘跌左距落地下，之后无事开机行得走得，我都会买过台更加high level嘅机。我唔单只是一个高要求的人而且一个唔会翻转头的人。

 

如果我对一件事无要求，只不过是同E件事有关嘅人令我over look左 E件事遮。

入hp之前宋生同我讲hp最大嘅特点就是靠自己，俾我感觉就是好似无咩人可以帮到我甘，样样都好似要靠晒自己甘。

 

E排Hk d大佬好睇我地GSC_DL D complain case,下下都上晒Centre D Manager度，蛇果是第一个中招嘅人，个GCC俾个solution叫距俾个客，点知道距太忙唔记得左，跟住个客吵到翻晒天甘，话follow up得慢，我都第一次见到军哥都要出手找距review个case。还在我地班同事日日陪距OT到8，9点帮距搞，今个星期总算勉强甘过到骨。我觉得好似返返去以前最初九仓SSC嘅年代甘，虽然大家都做得好辛苦，但是起码大家都是一条心想做好一件事，好有一条team嘅感觉。

 

做Customer Service，Soft skill是好重要，其实follow up更加重要啦，larry话我：”Jason有样好就是，是米都去撩下个客，俾着我就唔会啦。”我话“是啊，我明知到个客要叼我嘎啦，我都要Call距嘎啦，叼米找大佬咯。屈埋屈埋会死嘎。hoho...”

7月28日正式Goline，日日我返工第一件事就是霖今日可唔可以准时开开心心甘收工呢！我e个小小的愿望到E+都未实现过一次，日日都徘徊响无尽的Case,Email同jabber，通常响一个Hot case的email入面我会识到好多唔同的人，响我识到E班人的同时又都响同一时间得罪晒E班人。

 

Goline之后为一好的，就是点讲比之前都会多返几百蚊吃饭钱帮补下家计的。